Pedro
Guimarey Filgueiras
Naceu no ano 1906 na cidade de Ferrol. Era o segundo dos irmáns (África Hortensia, Xosé, Esperanza e Xesús).
Toda a súa vida dedicouna a facer o que realmente lle gustaba tendo como consecuencia a formación dunha persoa realmente culta. Foi escritor, bibliotecario, ATS, músico (tocaba o violín), profesor e dominaba perfectamente os idiomas francés e máis alemán. Xogou tamén unha tempada no Racing de Ferrol.
Foi unha persoa relevante no Ferrol dos anos trinta, xa que estaba practicamente en contacto con todos os ámbitos socio-culturais da época, tanto en temas políticos coma literarios.
Podo empezar a falar del facendo unha referencia ao Ateneo Cultural de Ferrol Vello. Este lugar tivo dous anos de historia e impartíanse numerosas conferencias no seu local, entre os conferenciantes estaba Pedro Gimarey, moitas destas dedicadas aos mozos, formados na mais avanzada pedagoxía baseada na concepción racionalista e científica, con miras a lograr unha formación integral dos máis novos, con respecto absoluto á liberdade, suprimindo todo castigo ou premio. O éxito destas conferencias fai que, en 1936, o “Ateneo Cultural de Ferrol Vello”, cree unha “Escuela para la infancia”, dirixida por Francisco Filgueira e Pedro Guimarey.
Cabe destacar “El Gráfico”, diario nacido durante a II República, pero que vai a ter unha corta vida, xa que a periodicidade e medios necesarios para a edición dun diario non puideron ser soportados polos seus xestores.
O primeiro número sae á rúa o 1 de maio de 1932, tendo unha existencia de apenas dous meses. Imprimíase en “La artística”, a outra gran imprenta de Ferrol da época xunto coa do “El correo Gallego”. Seu director será Nicolás García Pereya, constaba de 4 páxinas e seu coste era de 10 céntimos. Entre seus habituais colaboradores estaba Pedro Guimarey.
As liberdades políticas e sindicais da República, permiten que republicanos, socialistas e anarquistas retomen o contacto cos seus simpatizantes coa proliferación de publicacións. Un exemplo destas publicacións é a “Nueva Infancia”.
O primeiro número aparece o 1 de maio de 1931, trátase dunha publicación intermitente, sen que saibamos na actualidade súa duración xa que so existen dous exemplares na biblioteca municipal.
Será un ensaio de periódico para nenos,
formando os más novos dentro da pedagoxía e as novas tendencias educativas.
Este xeneroso esforzo recibe a felicitación do Ministro de Institución Pública.
Tiña unha tirada de 1000 exemplares, que distribuíanse a maioría de forma
gratuíta polas escolas da cidade. O director do periódico era Pedro Guimarey.
Outra das labores a destacar na súa vida foi a
de ser o presidente do Partido Republicano Federal en Ferrol.
Seu órgano de expresión era Renovación, de periodicidade
quincenal. Terminaron integrándose en Unión Republicana.
No café Suízo( hoxe en día o hotel Suízo), totalmente esquecido na memoria dos ferroláns,
merece a pena rescatar o papel dun grupo de tertuliáns librepensadores que no
café debatían sobre diversos temas. Probablemente, o máis destacado deste
núcleo fora Pedro Guimarey Filgueiras, un dos catro directores ao fronte de
Renovación, unha publicación ferrolá con periodicidade semanal e de contido
avanzado e progresista.
Pedro
tiña como amigos máis persoais a Xosé Cao Piñón (anarquista e co fundador do
Partido Sindicalista), Nores, Pérez Parallé (o poeta) e a Manuel Rodríguez
Otero.
Neste
grupo de intelectuais ateos o moi críticos
a Igrexa tamén figuraba Alfonso de Cal (O conde Cadenas) onde Ramón
Otero Pedrayo, nunha ocasión que visitou Ferrol aloxouse na súa finca de
Valdoviño.
A dereita da fotografía
esta Pedro e a esquerda o seu amigo Xosé Cao Piñón.
Como
xa dixen anteriormente era un bo escritor, deixou escritas varias obras, entre
as que cabe destacar a novela Nido de
Esclavos. Foi editada o 1 de Xaneiro de 1935 e con ela ganou o Premio da
Asociación de Artistas e Literatos, aínda que non se lle outorgou oficialmente
o galardón por non estar afiliado a esta Asociación. Tamén é autor de Pepa Andrea (drama) , Carcoma (drama) , La obra Genial de Tonto Poeta (comedia) y La luminaria de Dios (comedia).
Deixou en preparación outras dúas novelas: Hombres y La Maja de la
Tierra.
Aos poucos días
do golpe de estado foi detido e paseado, e con iso queimaron todas as súas
obras excepto un exemplar de Nido de Escravos, que conserva a miña familia.
Estaba
a punto de casarse con Luz María Pita Landrove, filla de Xosé Pita Romero (o
propietario dos coñecidos coloniais). Tras o seu asasinato, seu amigo Manuel
Rodríguez Otero fíxose noivo de Luz María y casáronse. O matrimonio foi
propietario da docería La Gloria.
Cando
a sublevación miliar de Xulio de 1936, seu amigo Xosé Cao Cortiñas foi buscalo para que se ocultaran (tiña un zulo
preparado); pero Pedro díxolle inxenuamente que, como non cometera ningún
delito, non tiña máis que temer algunha multa ou unha breve estancia no
cárcere. Cao salvouse tras ocultarse durante anos.
A
denuncia proveu dun sacerdote apelidado Vierna –parente do militar- e no grupo
de falanxistas que presentouse no domicilio familiar, o da miña bisavoa, atopábase
Gonzalo Torrente Ballester. Parece que Guimarey cometeu o gravísimo erro de
mandar unha carta a ese sacerdote para poñerse baixo a súa protección. Foi unha
mala elección porque Vierna delatouno á Falanxe. Creo que este sacerdote
pelexouse con Pedro pola obra La
luminaria de Dios, ao que debe engadirse a fama de ateos da tertulia do
Café Suízo. Seu futuro sogro, Pita Romero,
quixo axudalo e iniciou xestións ante as novas autoridades. Probablemente
houbera conseguido salvarlle a vida, pero tras catro días de prisión e antes de
que chegara o salvoconducto foi sacado e paseado.
Sobre
a presencia de Gonzalo Torrente Ballester
no momento da súa detención convén facer reflexión, cuando hai quen cree
que existía rivalidade literaria entre ambos e animadversión por parte do
coñecido escritor ferrolano. Guimarey foi paseado catro días más tarde.
Fusilado no antigo campo santo de Canido
o 29 de Setembro de 1936.
Conta a miña familia que o día da súa morte,
aínda co cadáver quente, botado na fosa común e polo tanto no sabemos onde está
o seu corpo, o conxunto de falanxistas que o foran buscar a casa da miña bisavoa Esperanza, súa
irmá, con todos seus familiares chorando súa morte, colocaron un organillo
debaixo da ventá da mesma casa e puxéronse a celebrar unha festa.
Meus bisavós Esperanza
Guimarey e Pepe Ceniza foron ó cárcere polo mero feito de ser familiares
directos deixando as irmáns do meu avó Pedro (chamado así en recordo de
Guimarey) Fina y Marina na rúa sen familia e as cales os veciños do barrio de
Canido as alimentaban como podían.
Moitos anos despois, meu avó
cando entrou de aprendiz na Bazán non o deixaban entrar a traballar dentro das
fragatas por levar o apelido Guimarey, soamente o deixaban traballar nos
talleres ata despois da transición e o tiñan moi vixiado.
Valoración literaria.
Guimarey foi un ferrolán
novo con verdadeira vocación literaria. As obras anteriores a Nido de Esclavos
apuntaban boas maneiras, destacando o dominio do léxico e das imaxes
literarias. É superado con Nido de Esclavos, onde consagrase coma un gran
literato, un escritor verdadeiro.
Tratase dunha novela que
podemos encadrar na corrente do realismo social, é dicir, dotada dun forte
compromiso ético e ideolóxico, de denuncia, tendendo máis ao pesimismo que á
exaltación. Outras a clasifican como
unha literatura proletaria.
En realidade, o hilo
argumental da obra é o máis débil da novela e máis ben parece a escusa para
encadear varios escenarios.
O director das Irmandades
da Fala, en Coruña, Antón Villar Ponte, fixo unha crítica nun xornal sobre a
súa literatura que dí o seguinte:
“Para
tratar un conjunto de crónicas noveladas, una revista de paisajes morales, con
una tendencia ideológica muy generosa, aunque pueda adolecer de una tanto
simplista. La excesiva juventud de Guimarey tiende a hipertrofiar su fina
sensibilidad literaria, pero no se puede negar su capacidad para captar la
realidad circundante con ojo crítico y plasmarla con todo rigor.”
Por último vou falar sobre a verdade de Pepa
Andrea, a única obra teatral que escribiu.
Pénsase que a autoría da obra é conxunta con Pérez
Parallé cando non é certo, xa que Guimarey é o único creador da obra teatral.
Pérez Parallé foi uns dos amigos máis cercanos e o que fixo na memoria do seu
fusilado amigo, foi intentar que ésta fora representada. A obra foi estreada en
Santiago.
Para que non quedara ningunha dúbida da autoría da
obra, Pérez Parallé deixou escrito polo seu puño e letra nunha das páxinas dun exemplar as siguientes
palabras:
“A Pedro
Guimarey o úneco autor e facedor de Pepa Andrea, quer n’estas liñas cheas de
sinceridade e afogantes por unha dôr profondosa, pedirlle coma un consello e
coma home perdón po-las verbas aldraxantes, fedorentas que lle dixo, po-lo
roubo que quixo facerlle da súa creazón”
Espero que con isto alguén máis saiba quen era Pedro Guimarey e sobre todo que as víctimas do franquismo
nunca sexan esquecidas.
Alba Deibe Ceniza.
Éncheme de ledicia este traballo de Alba. Mágoa que non esgotara tódalas fontes de información, o que faría posible enriquecer esta publicación sobre a vida de Pedro Guimarey que eu coñezo e de xeito documentado. (Segundoguimareyporvello).
ResponderEliminarE-mail: "guimarey@telefonica.net"
Moitas grazas!!
Eliminar